يحتوي هذا الموضوع على:
تفاصيل مبادرة إحلال السيارات (التخريد) الشروط والمستندات 2021 (بوست مُفصل شوية)
كشفت وزارة الصناعة والتجارة تفاصيل مشروع تحويل السيارات للعمل بالغاز الطبيعي مؤكدة أنه مشروع قومي يحظى باهتمام رئاسي. وعملية الإحلال تستهدف 250 ألف سيارة والبداية بـ70 ألف منهم 55 الف أجرة وملاكي و15 ألف ميكروباص والسيارة يكون مر على صناعتها 20 عام مشيرة إلى أن الإحلال اقتصادي وموفر للمواطن.
و أن المرحلة الأولى ستكون سيارات تجميع محلي والمرحلة الثانية يتم الاتفاق مع شركات عالمية للعمل في المشروع .وهناك حافز مغري جدا للإحلال وبرامج تمويلية مخفضة باقل من 5 % وفترة سداد ممكن تصل لعشر سنوات للمواطن الراغب في الإحلال.
والخلاصة ببساطة إنه في حالة الملاكي، فانت ليك حرية الاختيار تمامًا تدخل عربيتك (إللي موديلها قبل سنة 2000) مشروع التخريد والاحلال أو لا.. مش جبر عليك نهائي إنك تدخلها تخريد، بس هيبقى إجبار عليك تركب الغاز الطبيعي وإللي الحكومة بتقسطه بدون مقدم بردو.. (حوالي 9000 تكلفته على 10 سنين تضاف قيمته على كل مرة تفول الأنبوبة.. رينچ 5 ل10 جنية في المرة)
- ليه جبر تركب غاز لو عربيتك عدى عليها 20 سنة! لإنه هيطلع قانون ممنوع ترخيص أي عربية قديمة غير عاملة بالغاز (معرفش ينطبق ع الجديد أو لا).. يعني هتروح تجدد رخصتك وتفحص، مش هيلاقي غاز، هيقولك أسف ملكش ترخيص عندي.
بعد 3 سنين بتوع مبادرة الإحلال والتخريد، مش هيرخصولك عربيتك لو قبل موديل 2000 :"| سواء مركب غاز أو لأ.. مش هتترخص..
فالخلاصة كده، هتعمل احلال وتخريد لعربيتك القديمة وفقا للمنظومة ، او تلبس عربيتك كمان كام سنة وماتستخدمهاش تاني وماتلاقيش إللي يشتريها .
- بخصوص التخريد :
الوزيرة قالتلك إنه كل العربيات القديمة دي (عدى عليها اكتر من 20 سنة) هتتخرد في مقابل من 12 لـ20 ألف جنية ثابت لكل الأنواع.. حتى لو عربيتك تمنها 100 ألف، معلش هو دا التمن إللي هندفعهولك في مقابلها، والموضوع اختياري لو مش عاجبك السعر..
طب يعوضك إزاي عن السعر القليل دا! قالتلك هنعمل دعم ليك إسمه الحافز الأخضر.
على حسب موديل العربية إللي انت هتختاره، هنديك دعم بداية من 45 لـ75 ألف جنية يُخصم من تمن العربية كنوع من التعويض. (للي عربيتهم هتتخرد بس)
- الموديلات المتاحة :
شيفرولية اوبترا- لادا جرانتا (مانيوال واتوماتيك) - بي واي دي f3 - سوزوكي ألتو - سوزوكي ديزاير - هيونداي ألنترا hd - هيونداي أكسنت rb - نيسان صاني - كيا سانديرو - Mg 5 - نيسان سنترا - وكام موديل تاني صيني..
كل الموديلات إللي فوق دي بتاع السنة 2021 وبيتم إضافة موديلات جديدة باستمرار لإنه الحكومة متعاقدة مع حوالي 30 شركة مُصنعة في المرحلة الاولي بتقفل محلي هنا، وكل العربيات جاية بتعمل بالغاز وبموافقة الشركة الأم والمصانع بتاعها (يعني مفيش فيها ضرر عالموتور) وهتاخد العربية مترخصة كمان 3 سنين ومش مُضاف عليها سعر الغاز.
- سعر العربيات كام أو قد إيه:
خليني الأول أقولك إن الحكومة لغت الضريبة الجمركية عالعربيات دي إللي ضمن المبادرة، كمان لغت ضريبة القيمة المضافة ومفيش مصاريف إدارية.. هي راحت للمصنع قالتله أنا هاخد منك وليكن من الموديل الفلاني 10 آلاف عربية، فأكيد مش هاخدها بسعر العادي، بالإضافة للخصومات إللي عملتهالك فوق دي وفوقهم كمان تمن التخريد إللي هيبقى مُقدم وعليه الحافز الأخضر..
- طب إيه هيحدد مين ياخد ال45 ومين ياخد ال75!
قالك على حسب الموديل ونوع العربية إللي انت هتاخدها.. يعني إللي هيختار عربية ب200 ألف، مش زي اللي هيختار عربية ب150.. كل واحد منهم هياخد دعم مختلف عن التاني والأكبر أكيد للسيارة الاغلى.
- طب تمن العربيات كام؟ زي السوق!؟
هو الأكيد لأ طبعًا أرخص.. الناس في المعرض كانوا بيسألوا مندوبين الشركات، مكنش عندهم علم أصلا بالتمن هيبقى كام فكانوا بيقولولهم السعر الرسمي، لكن سعر العربية إللي الناس هتشتري على أساسه، أقل طبعًا وبمبلغ محترم مش 5000.. ولسه قالوا بعد المعرض هيقولوا كل السيارات المتاحة وتمن كل واحدة منهم.
بس كده كده، انت معاك مقدم من 57 لـ 95 ألف تمن التخريد ودعم الحافز الأخضر من الحكومة..
- نظام الاقساط إيه والبنوك!
البنك المركزي منزل منشور مباشر بيقولك 9 بنوك ضمن المبادرة بتقدم أفضل أنواع التسهيلات الممكنة للي في المبادرة، بداية من قيمة الفايدة إللي لا تزيد عن 3٪ حسب البنك، وكذلك دعم الحافز الأخضر، لكن مجاش لسه منشور مباشر للبنوك بالتفاصيل إللي هيبدأوا يتعاملوا بيها.. يقال مش هيبقى في ضمان الوديعة أو مفردات المرتب لإنه مش كل أصحاب السيارات القديمة موظفين او بيمتلكوا ودايع، بس لسه مفيش حاجة قديمة.. هنعرف التفاصيل دي في ظرف أسبوع.
المبادرة جميلة جدا والتسهيلات تستاهل فعلا وكبيرة.. المستفيدين منها أصحاب السيارت القديمة فقط ولما حد سئل الوزيرة عاللي معندوش وحابب يشتري تبع المبادرة، قالت هنبقى نعرض الموضوع دا بعدين، لكن المستفيد حاليًا هما أصحاب السيارات إللي عدى على صنعها اكتر من 20 سنة.
سمعت إنه في شرط تكون عربيته من فترة، مش شاريها إمبارح وداخل بيها النهاردة، لكن مفيش تأكيد عالشرط دا لسه.. لسه بقولك اهو..
كانوا مخصصين المرحلة الأولى لمحافظات بعينها، لكن خلوها كل المحافظات وعملوا موقع خاص تسجل عليه وتقدم ع الإنترنت لكن كنصيحة شخصية.. بلاش دلوقت استنى شوية على ما كل حاجة توضح، بداية من كل الموديلات لتعاملات البنوك والأسعار وغيره.
المفروض هتروح بعربيتك في طريق إسكندرية الصحراوي تتثمن وتتخرد وتاخد اذن تخريد ترجع بيه للبنك وتجيب ورقك وغيره عشان تتفق عالقسط مع الموديل اللي اخترته والتسليم والحاجات دي، لكن مش وقتها.. هبقى اقولك وقتها بالتفصيل.
تفاصيل البنوك هبقى احكيهالك بالتفصيل بردو لما تنزل.. بس أهم حاجة تكون بين 21 و55 سنة.. رخصة عربية سارية بأسمك..
شروط تمويل سيارات الميكروباص والأجرة في مبادرة إحلال السيارات:
1- ألا يقل سن المتقدم عن 21 سنة وألا يزيد عن 55 سنة.
2- أن يكون المتقدم لمبادرة إحلال السيارات حاصل على رخصة قيادة مهنية سارية من الدرجة الثالثة كحد أدنى.
3- التزام المتقدم بتقديم شهادة تأدية الخدمة العسكرية أو الإعفاء منها.
4- ألا يكون قد صدرت ضده حكم في جناية أو جريمة أو عقوبة مقيدة للحرية في جريمة مخلة بالشرف، مالم يكن قد رد إليه اعتباره.
5- ان يتعهد المتقدمون بالالتزام بأداء المبلغ المستحق على السيارة وفقا لشروط السداد.
6- ألا يتعاطى المتقدمين لأية مواد مخدرة من أي نوع وذلك من خلال توقيع كشف طبي عليه بمعرفة الجهة التي تحددها وزارة الصحة.
7- فترة السداد تصل إلى 120 شهر متضمنة بحد أقصى فترة سماح قدرها 3 شهور.
المستندات المطلوبة من المستفيد من مبادرة إحلال السيارات:
1- تقديم صورة بطاقة الرقم القومي للمستفيد والضامن.
2- تقديم مستندات اثبات محل الإقامة لكلا من المستفيد والضامن لمبادرة إحلال السيارات (عقد إيجار / تميلك محل الإقامة، إيصال كهرباء أو تليفون او مياه حديث لم يمر عليه أكثر من ثلاثة شهور).
3- برينت من التأمينات الاجتماعية موضح بها أن المستفيد مؤمن عليه كسائق أو صاحب عمل (سيارة).
4- تقديم صحيفة حالة جنائية حديثة لم يمر عليها أكثر من شهر.
5- تقديم شهادة صادرة من مصلحة الضرائب التابع لها المستفيد تفيد أنه ليس له أي ملف ضريبي أو عدم وجود مستحقات ضريبية واجبة الأداء.
6- رخصة سارية للسيارة القديمة المتهالكة المطلوب إحلالها وتجديدها في مبادرة إحلال السيارات.
وجهة نظر الأغلبية ..
هو حلو ووحش في نفس الوقت.
حلو عشان هتركب زيرو بتسهيلات كبيرة جداً مش هتتكرر تاني ولا هتلاقيها بره على 10 سنين ولا بالفايدة دي والدعم دا.. بس وحش عشان اللي معاه عربية قديمة، معهوش يدفع كل شهر قسط من 1500 ل2500 جنيه! حتى لو هيركب زيرو!
وأخيراً :